God jul med tradisjonar

Eg er ein liten tur innom for å ynskje deg og dine ei riktig god jul:)

Her heime har mamma pynta så fint med gamal og kjær julepynt. 

Denne duken har imidlertid vore oppe til diskusjon mange gonger. 

Den vart kjøpt på mamma og pappa si bryllaupsreise på Rhodos i 1983. 

Eg har vel gått frå å elska den, til å sterkt mislika den,

og i dag så kjenner eg at eg begynner å like den igjen. 

Det er vel det som er med tradisjon, det held stand uansett trend. 

Tenk, i morgon er det julafta!

Vi skal tradisjon tru fyrst på graut hos tanta mi, 

deretter er det kylling og pommes frittes (!) på det lokale hotellet. 

Det er eigentlig ein veldig rar tradisjon, som vi har holdt fast på i mange år.
For dei spesielt interesserte så er historien kort fortalt slik:

Når vi naboungane var små så ville gjerne mødrene våre ha oss litt ut av huset på formiddagen på julafta. Vi var truleg rimelig propell. Det var då den kule pappen til noke av naboungane inviterte oss alle med på hotellet som han driv. Det var nemlig stengt og vi fekk lov å vera der heilt uten gjester, og eta kylling og pommes frittes og springa rundt! Stort!

Den tradisjonen held vi på fortsatt 

og er alt frå 10-20 personar samla kvart år.

20 år etter fyrste gongen.

Vi spring ikkje så mykje lenger, 

men vi eter mykje!
Utrulig koselig:)

Med dette så 

ynskjer eg deg ei fantatstisk julefeiring